Улаанбаатар хотод худалдаалж буй үхэр, хонины махны үнийг өмнөх онуудын үзүүлэлттэй харьцуулан гаргасан статистик мэдээллийг хүргэж байна.

Үхрийн цул 1 кг махны дундаж үнэ 2020 оны 8 дугаар сард 13,664 төгрөгийн үнэтэй байгаа нь 2017 оны энэ сараас 60.5 хувь, өмнөх жилийн энэ сараас 36.9 хувиар өсөж, 2019 оны 8 дугаар сараас 1.5 хувиар буурсан байна.

Үхрийн ястай 1 кг махны дундаж үнэ 2020 оны 8 дугаар сард 11,751 төгрөгийн үнэтэй байгаа нь 2017 оны 8 дугаар сараас 59.4 хувь, 2018 оны 8 дугаар сараас 43.0 хувь, 2019 оны 8 дугаар сараас 1.9 хувиар өссөн байна.

Хонины ястай махны 1 кг дундаж үнэ 2020 оны 8 дугаар сард 9864 төгрөгийн үнэтэй байгаа бөгөөд 2017 оны 8 дугаар сараас 54.3 хувь, 2018 оны 8 дугаар сараас 41.4 хувь, 2019 оны 8 дугаар сараас 1.7 хувиар тус бүр өссөн байна.

Аймгуудад 2020 оны 8 дугаар сард зарагдаж буй хонины ястай 1кг махны дундаж үнэ нь жилийн өмнөх үнээс дунджаар 603 төгрөгөөр их байна. Хонины ястай 1кг махны дундаж үнэ 2020 оны 8 дугаар сард Баянхонгор аймагт 7122 төгрөг байгаа нь хамгийн доод үнэ бол хамгийн дээд үнэ нь Говьсүмбэр аймагт байгаа юм.

Харин нэг литр АИ-92 бензиний дундаж үнэ 2020 оны 8 дугаар сард 1404 төгрөг байгаа нь 2017 оны 8 дугаар сараас 13.9 хувь, 2018 оны 8 дугаар сараас 22.8 хувь, 2019 оны 8 дугаар сараас 23.4 хувиар буурсан байна.

Эх сурвалж: ҮСХ