Гэрийнхээ гадаа үнсээ асгаад 353 сая төгрөгийн экологийн хохирол учруулсан байна. Тодруулбал, энэ оны дөрөвдүгээр сарын 16-ны өдөр Дорнод аймгийн нутагт иргэн Б нь цогтой үнсээ ил задгай асгаснаас үүдэн түймэр гарч, байгаль экологи эдийн засгийн үнэлгээгээр 353 сая төгрөгийн хохирол учруулсан болохыг тогтоожээ. Иргэн Б-д Эрүүгийн хуулийн тусгай ангид заасан зүйл ангиар мөрдөн шалгах ажиллагааг явуулж, шүүхэд шилжүүлсэн байна.