Нийслэлийн нийтийн тээврийн парк шинэчлэлийн хүрээнд БНСУ-аас оруулж ирсэн Daewoo маркийн "НОГООН АВТОБУС"-ны худалдан авах ажиллагааг хянан шалгах нээлттэй сонсгол хоёр дахь өдрөө үргэлжилж байна. Энэ үеэр Тэнүүн Огоо ХХК-аас эхний 20 автобусыг хүлээж авсан Ажлын хэсгийн дарга болох Нийслэлийн нийтийн тээврийн газрын Ачаа тээвэр логистикийн хэлтсийн даргын түр орлон гүйцэтгэгч асан Б.Мөнхболд "Daewoo-н автобуснуудыг хүлээж авах боломжгүй гэж дүгнэсэн ч удирдлагууд “Байгаагаар нь хүлээгээд авчих“ гэсэн тул гарын үсэг зурсан“ гэсэн юм.

Үүнтэй холбоотойгоор Нийслэлийн нийтийн тээврийн газрын дарга асан Б.Жавхлантбаатар "Ажлын хэсгийн дарга автобусанд дутуу зүйлс байгааг танилцуулсан. Би ч үүнийг салбарын сайдад танилцуулсан. Санхүүжилт зогсвол дараагийн автобуснууд орж ирэх ажилд гацаа үүсэх тул "Шийдээд яв" гэдэг шат шатандаа чиглэл өгөгдсөн" гэсэн юм.