Ногоон автобусны худалдан авах ажиллагааг хянан шалгах нээлттэй сонсгол үргэлжилж байна. Өнөөдрийн сонсголын хоёр дахь сэдэв "Худалдан авалтыг гүйцэтгэгч байгууллагыг сонгон шалгаруулсан байдлыг шинжлэн судлах" юм.

Энэхүү сонсголд "Тэнүүн-Огоо" ХХК-ийн Ерөнхий захирал А.Ганхуяг гэрчээр дуудагдаад байсан юм. Гэвч яллагдагчаар татагдан шалгагдаж буй тул нээлттэй сонсголд оролцуулах боломжгүй гэх албан бичгийг ЧД-ийн ЭХАШШ-ээс ирүүлжээ.