УИХ дахь АН-ын бүлгийн дарга О.Цогтгэрэл дараах тайлбар мэдээллийг өглөө. Тэрбээр "АН-ын бүлгийн гишүүдийн олонх нь тойрогт нэр дэвших саналаа илэрхийлж байгаа. Орон зай гаргахын тулд өмнө нь УИХ-ын гишүүнээр ажиллаж байсан төрийн өндөр албан тушаал хашиж байсан хүмүүс нь хариуцлагатай тойрогт явъя. Ардчилал эмзэг байдалд орлоо, эрх баригчдын сонгуулийн үеэр явуулж буй үйл ажиллагааг та бүхэн харж байгаа байх, сонгуульд ялахын тулд юу ч хамаагүй хийе. Сонгуульд ялахын тулд хамаагүй гэсэн байр суурьтай байна. Баялгийн сан гэж ийм том үзэл санааг хайран зүйлийг яарин болгож байна. Одоо хүмүүс баялгийн сан гэдэг зүйл итгэхгүй болж байна. Зүгээр л халамжийн хавсарга боллоо. Эрх мэдэлтэй байсан хүмүүс нь ачааны хүндээ үүрье гэх байр суурьтай байна" гэлээ.