Болгарын нийслэлд “Ард түмний хоёр дахь их бослого” хэмээх олныг хамарсан эсэргүүцлийн ажиллагаа болжээ. Эсэргүүцлийн жагсаалын төгсгөлд тус улсын төрийн дууллыг эгшиглүүлсэн байна.

Нийт 14 цаг гаруй үргэлжилсэн тус эсэргүүцлийн ажиллагаанд хэдэн мянган хүн оролцжээ. Эсэргүүцэгчид Бойко Борисов тэргүүтэй Засгийн газар болон ерөнхий прокурор Иван Гешевийг огцрохыг 64 дэх өдрөө шаарджээ. Цагдаа нар жагсагчид цугларсан Тусгаар тогтнолын талбайн ойролцоогоос шатамхай шингэн илрүүлсэн боловч жагсаал тайван болж өнгөрчээ.