ЦЕГ-ын ХМОНХХ-ээс цаг үеийн асуудлаар мэдээлэл хийлээ. Энэ үеэр ЦЕГ-ын Урьдчилан сэргийлэх газрын ХМОНХХ-ийн чиглэлийн ахлах мэргэжилтэн, цагдаагийн хошууч С.Баярбилэг СХД-ийн нутаг дэвсгэрт орон сууцны барилгын захиалга авч одоо хүртэл ашиглалтад орохгүй байгаа "Монтай бүрд" ХХК-тай холбоотой мэдээллийг өглөө. Тэрбээр "Монтай бүрд" ХХК 556 айлын орон сууцны төслийг хэрэгжүүлэхдээ 132 иргэнээс 2.8 тэрбум бартерийн эд хөрөнгийг авч, хохирол учруулсан нь тогтоогдоод байна. Байр захиалсан иргэдийг хохиролгүй болгох үүднээс тухайн компанийн 1.2 га газар, 7 тээврийн хэрэгслийн шилжилт хөдөлгөөнд хязгаарлалт тогтоосон" гэлээ.