Засгийн газрын 2024.05.08-ны өдрийн ээлжит хуралдаанаас гаргасан шийдвэрийг танилцуулж байна. Үүгээр ХНХ-ын сайд Х.Булгантуяа Хөгжлийн бэрхшээлтэй иргэд болон байнгын асаргаанд байгаа хүүхдээ харж буй эцэг болон эхэд төрөөс үзүүлэх дэмжлэг, тэтгэмжийн нэмэгдлийг танилцууллаа.

ХНХ-ын сайд Х.Булгантуяа: Улсын хэмжээнд 115 орчим мянган хөгжлийн бэрхшээлтэй иргэд байна.Тэгвэл ирэх 7 дугаар сарын нэгнээс эхлэн гэртээ хөгжлийн бэрхшээлтэй хүүхэд болон том хүн асарч байгаа нийт 60 мянга орчим иргэнд төрөөс олгодог байсан тэтгэмжийн мөнгийг 2-3 дахин нэмэгдүүлж, хөдөлмөрийн хөлсний доод хэмжээний тал хувь болох 275 мянган төгрөг болгож тогтоосон байсныг дахин 10 хувиар нэмэгдүүлж энэ оны төсөвт суулгасан.

Мөн энэ оны нэгдүгээр сарын 01-нээс эхлэн гэртээ байнгын асаргаатай хүүхдээ асарч байгаа эцэг болон эхийн тэтгэврийн шимтгэлийг төрөөс хариуцан төлөхөөр хуульчилсан.