Английн Премьер лигийн 2020-2021 оны шинэ улирал энэ долоо хоногт эхэлнэ. Үүнтэй холбогдуулан амралтаа авсан зарим тамирчин багийнхаа нэгдсэн бэлтгэлд хамрагдаж эхэлжээ. Харин өнөөдөр Манчестер Сити багийн зүгээс амралтын хугацаагаа дуусгаад эргэн ирж буй Алжир хагас хамгаалагч Рияд Махрез болон Франц хамгаалагч Эмерик Лапорт нарыг шинэ коронавирусний шинжилгээнд хамруулахад хоёулаа эерэг буюу халдвар авсан нь тогтоогдсон байна.

Тус багийн албан ёсны мэдэгдэлд “Рияд Махрез болон Эмерик Лапорт нар Сovid-19 халдвар авсан нь батлагдсан. Хоёр тамирчин маань Премьер лиг болон Их Британийн засгийн газраас хэрэгжүүлж буй эрүүл мэндийн зөвлөмжийн дагуу өөрсдийгөө тусгаарлаж байгаа. Одоогоор ямар нэгэн вирусний шинж тэмдэг илрээгүй. Рияд болон Эмерик нарыг хурдан эдгэрч, шинэ улирлын өмнө багийнхаа бэлтгэлд хамрагдаасай гэж хүсч байна” хэмээлээ.

А.Мишээл