Улсын Онцгой комиссоос цаг үеийн асуудлаар өнөөдөр мэдээлэл хийлээ.

Энэ үеэр "Өнөөдрөөс эхлээд баруун аймгуудын нутгаар цаг агаар муудаж байна. Баруун аймгуудын нутгийн баруун болон хойд хэсгээр 12-13-нд шилжих шөнө баруун аймгуудын ихэнх нутаг, Төвийн аймгуудын баруун хэсгээр, дөрөвдүгээр сарын 13-нд баруун аймгуудын нутгийн зүүн, төвийн аймгуудын ихэнх нутгаар, 13-14-нд шилжих шөнө Төвийн аймгуудын нутгийн зүүн, зүүн аймгуудын нутгаар, 14-нд зүүн аймгуудын нутгийн зүүн хэсгээр бороо, нойтон цас орж, цасан шуурга шуурна. Өнөө шөнө буюу 12-13-нд шилжих шөнө Увсын зүүн, Завханы нутаг, Говь-Алтайн хойд хэсгээр 13-нд Архангайн нутаг Баянхонгор, Өвөрхангайн хойд, 13-14-нд шилжих шөнө Төв, Сэлэнгэ, Хэнтий, Дундговь аймгийн хойд хэсгээр цасан шуурга шуурч цаг агаарын аюултай үзэгдэл болно. Өнөөдөр Алтайн уулархаг нутгаар, 13-нд Говийн бүс нутгаар 14-нд Говь хээрийн нутгаар салхины хурд сенкундэд 18-20 метр зарим үед 24 метрийг давж шороогоор шуурна" гэв.