УИХ-ын чуулганы нэгдсэн хуралдаан үргэлжилж байна. Дэгийн дагуу чуулганы эхэнд үг хэлэх гишүүд УИХ-ын даргад нэрээ өгч, үг хэлдэг.

Энэ дагуу УИХ-ын гишүүн Д.Ганбат "Ардын намын удирдлага болон та нар хэцүү юм аа. Үндсэндээ, Монголын ард түмний эсрэг найман жил "Зарлаагүй дайн" хийлээ. Халх голын "Зарлаагүй дайн"-д 100-200 хүн үрэгдсэн юм гэнэ лээ. Гэтэл Дарханы замд хэчнээн хүн нас барав. 173 жолооч, 200 гаруй зорчигч нас барсан гэж байна. Одоо болтол тэр зам нь ашиглалтад ороогүй.

Өвөлжин агаарын бохирдол, хорт утаанд "бактериологийн дайн" хийж байгаа юм шиг болж байна. 10 хүн нас барж байхад, чив чимээгүй. Японы хоёр хотыг "бөмбөгдсөн" юм шиг дув дуугүй. Бид чинь цөөхүүлээ шүү дээ. Онцгой байдлынхан яаж ар араасаа нас барж байна. Ийм хүнд нөхцөлд байна" гэлээ.