Хүн төрөлхтний баяр цэнгэл гэгддэг олимпын наадам гурван сарын дараа хөшгөө нээнэ. Франц улсын Парис хотноо болох "ПАРИС-2024" олимпын наадамд Монгол Улсаас эх орноо төлөөлөх тамирчдыг сонгон шалгаруулах сорил тэмцээн энэ амралтын өдрүүдэд 16:00 цагаас Их тамир Олимп цогцолборт болно.

33 дахь олимпын хамгийн сүүлийн эрхийн тэмцээнд манай улсаас эрэгтэй 7, эмэгтэй 5 жинд өрсөлдөнө. Сорил тэмцээнд эрэгтэй 3, эмэгтэй 2 жинд тамирчдыг тодруулна. Бусад жинд буюу эрэгтэйчүүдийн 50 кг-д Ган-Эрдэнэ, 80 кг-д Далай, -92 кг-д Отгонболд, +92 кг-д Бекнур нар Монгол улсыг төлөөлж олимпын эрхийн тэмцээнд өрсөлдөнө. Мөн эмэгтэйчүүдийн 60 кг-д М.Намуун, 66 кг-д Г.Бадмаараг, 75 кг-д Э.Эрдэнэтуяа нар Тайландыг зорино. Тус улсын Бангкок хотноо ирэх сарын 21-ээс зургадугаар сарын 3-ны өдрүүдэд зохиогдох "ПАРИС-2024" олимпын наадмын эрх олгох тэмцээн болох юм.

ОЛИМПЫН ЭРХИЙН ТЭМЦЭЭНИЙ СОРИЛГОД ОРОЛЦОХ ТАМИРЧИД

• Эмэгтэй 54 кг : Л.Алтанцэцэг /ДАШТ-ий мөнгөн медальт/
• Э.Мичидмаа /Дэлхийн цомын аварга, 2024 оны УАШТ-д мөнгөн медаль хүртсэн/
• М.Энхжаргал /ДАШТ-ий хүрэл, 2024 оны УАШТ-д алтан медаль хүртсэн/

Өнөөдөр /2024.04.06/ Л.Алтанцэцэг, Э.Мичидмаа нар өрсөлдөж, ялсан тамирчин маргааш улсын аварга М.Энхжаргалтай тоглоно.

• Эмэгтэй 57 кг: Т.Болортуул /Монголын эмэгтэй боксчдоос хамгийн анхны Азийн аварга, 2024 оны улсын аварга/
• Т.Номин-Эрдэнэ /2022 оны ААШТ-ий мөнгөн медальт, 2024 оны УАШТ-ий мөнгөн медальт/
• Эрэгтэй 57 кг: Г.Лундаа
• Х.Энх-Амар /Азийн аварга, Армийн дэлхийн аваргын мөнгөн медальт/
• 63.5 кг: Э.Цэндбаатар /ДАШТ-ий хүрэл, 2019, 2021 оны Азийн аварга, 2018 оны Азийн наадмын аварга/
• Б.Буяндалай /Ази тивийн мөнгөн медальт/
• О.Тулга /Дэлхийн цомын хүрэл медальт/
• Т.Энхтөр /Дэлхийн цомын хүрэл медальт, 2024 оны улсын аварга/
• Эрэгтэй 71 кг: О.Бямба-Эрдэнэ /ААШТ-ий хүрэл медальт/
• Б.Мишээлт /ДАШТ-ий хүрэл медальт/