Өнөөдөр /2020.09.01/ Эрүүл мэндийн яамнаас цаг үеийн асуудлаар хийж буй ээлжит мэдээллийн үеэр ХӨСҮТ-ийн тандалт судалгааны албаны дарга А.Амбасэлмаа:
“2020.08.31-нд ХӨСҮТ-ийн Вирус судлалын лабораторид 318 хүнд шинжилгээ хийхэд 315 хүнд коронавирус илрээгүй байна. Харин үлдсэн гурван хүний шинжилгээнд коронавирус илэрсэн. 2020.08.30-нд Нур-Султан-Улаанбаатар онгоцоор ирсэн 60 настай эрэгтэй 21 настай эрэгтэй, 58 настай эмэгтэй байсан.
Бусад шинжилгээг хэлбэл:
Алтанбулагийн боомтоор орж ирсэн ачаа тээврийн 22 жолоочийн шинжилгээ, ХӨСҮТ-д тусгаарлагдаж байгаа гурван эмч, ажилтны шинжилгээ, Тандалтын зорилгоор цуглуулсан гурван хүний шинжилгээнээс коронавирус илрээгүй. Ингээд батлагдсан тохиолдол 304 боллоо. Батлагдсан тохиолдлын 294 нь буюу 97 хувь нь эдгэрсэн. Одоогоор ХӨСҮТ-д есөн хүн эмчлүүлж байгаа. Эмчлүүлж байгаа хүний биеийн байдал хэвийн байна” гэжээ.
-1.jpg&w=300&h=300&a=c)