Төв аймгийн Эрдэнэ сумын Өгөөмөр баг дахь “Есөн-Өрлөг” амралтын газарт өчигдөр гал гарсан байна. Галын дуудлага өглөөний 07:11 цагт бүртгэгджээ. Энэ дагуу Налайх дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчдыг очиход иргиэн М-ийн амралтын газрын 30х44 метрийн хэмжээтэй байшингийн залгаа галлагааны байр /3х5 метрийн хэмжээтэй /шатаж байсныг унтраажээ. Энэ талаар тухайн амралтын газартай холбогдвол мэдээлэл өгөхөөс татгалзлаа. Энэ талаар онцгой байдлын газраас тодруулахад "Гал түймрийн улмаас хүн бэртэж гэмтээгүй. Мөн утаажилтын бүсээс хүмүүсийг гаргасан тухай мэдээлэл бүртгэгдээгүй" гэлээ.