Хөвсгөл аймгийн Бүрэнтогтох сумын Туяа багийн Дэлгэрмөрөн голын “Зусын гарам" гэдэг газар "Дэлгэрмөрөн” голын мөсөн дээгүүр зорчиж явсан 2 зорчигчтой суудлын автомашин мөс цөмөрч нэг хүн живж, амь насаа алдаж, нэг хүн эсэн мэнд гарсан байна. Тодруулбал,

Энэ тухай дуудлага мэдээлэл гуравдугаар сарын 04-ний өдрийн 09:00 цагт ОБГ-т ирсэн бөгөөд Хөвсгөл аймгийн Онцгой байдлын газрын даргаар ахлуулсан Эрэн хайх, аврах салбарын алба хаагчдыг очиход иргэн Б /37 настай, эрэгтэй/-ын “Toyota Prius-20” загварын суудлын автомашин голын мөс цөмөрч эргээс 13 метр зайд жолоочийн хамт живсэн байсныг ажиллаж 12:05 цагт иргэн М /45 настай, эрэгтэй, Хөвсгөл аймгийн Бүрэнтогтох сумын харьяат/-ын цогцсыг гаргаж тус аймгийн Цагдаагийн газрын мөрдөн байцаагчид шилжүүлэн өгсөн. Автомашиныг 13:02 цагт гаргаж иргэн Б-д хүлээлгэн өгсөн байна.