Монголын жүдо бөхийн залуучуудын улсын аварга шалгаруулах тэмцээн Тэмүүжин спорт цогцолборт үргэлжилж байна. Энэ жилийн улсын аварга шалгаруулах тэмцээнд 39 клубын эрэгтэй 238, эмэгтэй 127 нийт 365 тамирчин өрсөлдөж байна.

Хамгийн их тамирчин өрсөлдөж байгаа жин нь эрэгтэй 60 кг байна. Энэ жинд 79 тамирчин өрсөлдөж байна. Өчигдөр нийт 14 жингийн аваргууд тодорсон бол өнөөдөр багийн барилдаан явагдаж 2024 оны жүдо бөхийн залуучуудын улсын аварга шалгаруулах тэмцээн өндөрлөнө.