Энэ мэдээ хуучирсан буюу 2024/02/27-нд нийтлэгдсэн мэдээ болно.

О.Номинчимэг: Цэнгэлдэхийн хажууд баригдаж буй барилга нь Т.Нямдаваагийн хүүхдийн компанийнх. Т.Нямдаваа нь цэнгэлдэхийн газрыг 29 хувааж, ЗАРСАН

Ангилал
Нийгэм
Огноо
Унших
1 минут 31 секунд

Нийслэлийн Засаг даргын орлогч О.Номинчимэг өнөөдөр Төв цэнгэлдэхийн газрын маргааны асуудлаар мэдээлэл өглөө. Тэрбээр энэ үеэрээ "Төв цэнгэлдэх хүрээлэнг анх 1993 онд өмч хувьчлалаар ягаан тасалбараар хувьчилсан. Тэр үед 30 хувь нь хувийн эзэмшилд очиж, 70 хувь нь нийслэлийн өмчид үлдсэн. Улмаар 2003 онд иргэн Т.Нямдаваа 30 хувиа 49 хувь болгож, нийслэл 51 хувийг өмчилсөн. Гэтэл 400 мянган төгрөгийн асуудлаас болж, зөвхөн ТУЗ-ийн шийдвэрээр 49 хувиа 51 хувь болгож өмчилсөн байдаг.

Төв цэнгэлдэх хүрээлэнгийн газар 2005 оноос хойш 29 салж, 12.6 га үлдсэн. 3 дахин багассан гэсэн үг. Мэдээж газрыг нь зарж идсэн гэсэн үг.

Одоо Төв цэнгэлдэхийн баруун талд "Мөнх сан" ХХК-ийн эзэмшил барилга баригдаж байна. Энэ нь иргэн Т.Нямдаваагийн хүүхдийн компанийнх. Өөрсдөдөө газраа хувьчилж авч, өндөр барилга барьж байна. Энэ газар дээрээ анх орон сууцны зориулалттай барилга барина гэчихээд үйлчилгээний зориулалттай болгон өөрчилж байна.

Үүнийг "Шунал" хороолол гэж нэрлэмээр байгаа юм. Шалгалт явуулаад энэ барилгыг зогсооно гэсэн бодолтой байна" хэмээлээ.

Газрын хэмжээгээ хэтрүүлэн хашаалсан иргэн, ААН-үүдийн судалгааг гаргаж, зөрчлийг арилгуулна
Газрын хэмжээгээ хэтрүүлэн хашаалсан иргэн, ААН-үүдийн судалгааг гаргаж, зөрчлийг арилгуулна
 
Он гарснаас хойш гал түймрийн улмаас 31 иргэн амь насаа алджээ
Он гарснаас хойш гал түймрийн улмаас 31 иргэн амь насаа алджээ
Энэ мэдээ хуучирсан буюу 2024/02/27-нд нийтлэгдсэн мэдээ болно.