Apple 2 их наяд ам.долларын үнэд хүрсэн анхны Америк компани боллоо

Технологийн салбарт тэргүүлэгчдийн нэг Apple компанийн үнэлгээ 2 их наяд ам.долларт хүрч энэ амжилтыг гаргаж буй анхны Америкийн компани болжээ. 

2018 онд дэлхийн анхны нэг их наяд ам.долларын үнэлгээтэй компани болсноос хойш ердөө 2 жилийн дараа нэг дахин нэмэгдсэн байна. Лхагва гарагт АНУ-ын хувьцааны зах зээлд Аpple-ийн нэгж хувьцааны үнэ 467 ам.доллар болсон нь энэ амжилтад хүрэхэд түлхэц болсон байна. 

Саудын Арабын газрын тосны Saudi Aramco компани нь дэлхийн анхны $2 их наядын үнэлгээнд хүрсэн компани хэдий ч өнгөрөгч долдугаар сард буцаад $1,8 их наяд руу унаад байсан юм. 

Apple-ийн дараагаар Microsoft болон Amazon гэх компаниуд $1,6 их наядын үнэлгээтэйгээр бичигдэж байгаа бол Alphabet буюу Google $1 их наядаар үнэлэгдэж байна. 

Эх сурвалж: BBC