Монгол Улсын Их Хурлаас Төрийн албаны зөвлөлийн шинэ гишүүд томилогдон ажлаа хүлээн авсан. Төрийн албаны хуулийн 69 дүгээр зүйлийн 69.1-д заасны дагуу Төрийн албан зөвлөлийн гишүүд Л.Цэдэвсүрэнг Төрийн албаны зөвлөлийн даргаар томилж, тамга, тэмдгийг гардуулан өгсөн байна.
Л.Цэдэвсүрэн нь Хотын барилга засварын нэгдсэн трестэд засал чимэглэлчин, Соёлын яамны Тамгын газрын хуулийн зөвлөх, Гэгээрлийн яамны Төрийн захиргааны газарт сайдын туслах, хуулийн зөвлөх, Төрийн захиргааны хамтын ажиллагааны газарт хуулийн зөвлөх, хэлтсийн дарга БСШУСЯамны Төрийн захиргаа удирдлагын газрын дарга, БШУЯ-ны Хуулийн хэлтсийн дарга, БШУЯ-ны Төрийн нарийн бичгийн дарга, Ерөнхий сайд Л.Оюун-Эрдэнийн зөвлөхөөр тус тус ажиллаж байжээ.
