Монголын үндэсний олимпийн хорооны Гишүүдийн ээлжит бус хурал наймдугаар сарын 14-ны өдөр болж, МҮОХ-ны Ерөнхийлөгчийн сонгууль явагдсан билээ. Уг сонгуульд Монгол Улсын хөдөлмөрийн баатар, Гавьяат тамирчин, "Бээжин-2008" Олимпийн аварга Н.Түвшинбаяр нэр дэвшиж, нийт гишүүдийн олонхийн буюу 96,4 хувийн саналаар МҮОХ-ны Ерөнхийлөгчөөр сонгогдсон.
Өнөөдөр /2020.08.17/ Монголын Үндэсний Олимпийн хороо/МҮОХ/-ны тамга гардуулах ёслол зохион байгуулагдаж, МҮОХ-ны Ерөнхийлөгч Н.Түвшинбаяр ажлаа хүлээн авлаа.
Ёслолоор МҮОХ-ны Ерөнхийлөгчийн сонгуульт ажлыг 2001 оноос хойш гүйцэтгэсэн, Монгол Улсын эрүүлийг хамгаалахын гавьяат ажилтан Д.Загдсүрэн Монгол Улсын хөдөлмөрийн баатар, Гавьяат тамирчин, “Бээжин – 2008” Олимпийн аварга, МҮОХ-ны Ерөнхийлөгч Н.Түвшинбаярт МҮОХ-ны тамгыг гардуулж, ажлын өндөр амжилт хүслээ.
