АТГ-аас Ногоон автобусны гэх хэргийг шүүхэд шилжүүлэх саналтай прокурорт шилжүүлсэн талаар өнөөдөр мэдээлсэн. Одоогоор 27 хүнийг яллагдагчаар татан шалгаж буй бөгөөд автобусуудыг үйлдвэрийн технологийн бус аргаар угсарч хийсэн гэдгийг тогтоосон аж.

Тэгвэл УИХ-ын гишүүн Н.Алтанхуяг өнөөдөр сэтгүүлчдэд мэдээлэл хийх үеэрээ "Ногоон автобусны асуудлаар сонсгол хийнэ гээд байгаа. Хийх л хэрэгтэй" хэмээлээ.

Сануулахад, Ногоон автобусны гэх хэргийн улсад учруулсан хохирол 134,5 тэрбум төгрөг. Үүнээс мөрдөгчид 11,9 тэрбум төгрөгийг төлүүлж, 71,7 тэрбум төгрөгийн хөрөнгийг битүүмжлэн хамгаалаад байгаа аж.