Энэ оны нэгдүгээр сарын 1-нээс "Нийгмийн даатгалын багц хууль" хэрэгжиж эхэлсэн. Хуультай холбогдуулан өндөр насны тэтгэврийн ямар зохицуулалт нэмэгдэж буй талаар танилцуулсан юм. Тодруулбал, тэтгэвэр авагч өндөр настан нас барвал түүний авч байсан тэтгэврээс 20 хувиар тооцон нөхөр эсхүл эхнэрийн өндөр насны тэтгэврийн хэмжээг нэмэгдүүлж олгох аж. Ингэхдээ гэр бүл болсноо бүртгүүлж, батлуулсан байх ёстойгоос гадна 20 ба түүнээс дээш жил хамт амьдарсан байх шаардлага тавигдах юм.