АНУ-ын 45 дахь ерөнхийлөгч Дональд Трампийн бага дүү Роберт Трамп 71 насандаа таалал төгсжээ. Наймдугаар сарын 15-ны бямба гарагт Нью Йорк хотын эмнэлэгт нас барсан талаар ерөнхийлөгч Трамп мэдэгдсэн юм.

“Хайрт дүү Роберт маань өнгөрсөн шөнө амгалан нойрслоо. Тэр маань зөвхөн миний дүү ч биш хамгийн сайн найз маань байсан. Хэзээ нэгэн өдөр бид уулзах хүртэл чамайгаа маш их санах болно. Зүрхэнд минь мөнх орших дүү минь, хайртай шүү. Амгалан нойрсдоо.” хэмээн Дональд Трамп мэдэгдэл хийсэн байна.

Мөн ерөнхийлөгч Трампийн охин Иванка Трамп “Авга ах Роберт минь бид тандаа хайртай шүү, та минь бидний зүрхэнд үүрд байх болно.” хэмээн жиргэсэн байна.

Роберт Трамп удаан хугацааны туршид эмчлүүлж байсан ба албан ёсны эх сурвалжаас түүний өвчний шалтгааныг хараахан мэдэгдээгүй юм. 

Эх сурвалж: CNN