Монголын Үндэсний олимпын хорооны ээлжит бус хурал өнөөдөр болж, шинэ ерөнхийлөгчөөрөө Найдангийн Түвшинбаярыг сонголоо.
Тодруулбал, МҮОХ 176 гишүүнтэйгээр буюу 74%-ийн ирцтэйгээр хуралдаж, олимпын аварга Н.Түвшинбаярыг ерөнхийлөгчөөрөө сонгосон байна. Хэдийгээр тус хорооны ерөнхийлөгчид Н.Түвшинбаяр ганцаараа буюу нэг хүн нэр дэвшсэн хэдий ч хуралд оролцсон гишүүдийн 50+1 хувийн саналыг авч байж сонгогдох журамтай юм. Харин тэрээр 94.6 хувийн саналаар сонгогдсон байна.
Н.Түвшинбаяр ийнхүү 2008 оны энэ өдөр МУ-ын түүхэнд олимпын анхны аварга болсон өдрөөрөө МҮОХ-ны ерөнхийлөгчөөр сонгогдож, ирэх 4 жил тус хороог тэргүүлэхээр боллоо.
-1.jpg&w=300&h=300&a=c)