Хан-Уул дүүргийн 1 дүгээр хороо 120 мянгатын уулзвар дээр автобус шатаж байна гэх дуудлага мэдээлэл өнөөдөр буюу арванхоёрдугаар сарын 20-ны 10:38 цагт ОБЕГ-т ирсэн байна. Дуудлагын дагуу гал унтраах 14-р ангийн бүрэлдэхүүн тус газар очиход "ТЭЦ3-Офицеруудын ордон" чиглэлийн автобусны мотор хэсэг шатаж байжээ.

Гал түймрийг бүрэн унтраасан бөгөөд гэмтэж бэртсэн хүн байхгүй гэдгийг холбогдох албаныхан мэдээллээ.