Нийслэлийн ногоон бүсийн Санзай ам орчимд баавгайн мөр илэрсэн тухай дуудлага мэдээлэл иржээ. Үүний дагуу Нийслэлийн Байгаль орчны газраас холбогдох мэргэжилтэн очиж мөр таних ажиллагааг явуулж, баталгаажуулжээ.
Иймд ногоон бүсэд ойн дагалт баялаг болох самрыг болц гүйцэхээс нь өмнө хууль бусаар түүхгүй байж зэрлэг амьтдаас болгоомжилно уу. Учир нь баавгай өдөрт 20-30 кг боргоцой идэж, 100-150 кг өөх хуримтлуулж байж ичээлэх боломжтой болдог аж.
Эх сурвалж: Нийслэлийн байгаль орчны газар
