Нүүрсний сонсголын эхний шатны сонсгол /2023.12.06/ гурав дахь өдрөө Төрийн ордонд боллоо. Сонсголоор Эрдэнэс Тавантолгой ХК-ийн оффисын түрээсийн үйл ажиллагаатай холбоотой шинжээчийн дүгнэлттэй танилцсан юм.
Шинжээчийн танилцуулснаар, Эрдэнэс Тавантолгой ХК нь 2011 оноос хойш Чимо ХХК-ийн өмчлөлийн оффисын зориулалттай байрыг түрээсэлж байгаа аж. Энэ хугацаанд оффисын түрээсийн тендер сонгон шалгаруулалтыг 6 удаа нээлттэйгээр зарласан. Ингэхдээ тус компани Эрдэнэс Тавантолгой ХК-ийн тендерт 6 удаа шалгарч, 4 удаа сонгон шалгаруулалтгүйгээр гэрээ байгуулж, 8 удаа нэмэлт гэрээ байгуулсан гэлээ. Нийт 7 тэрбум 173 сая төгрөгийн гэрээ байгуулжээ.
