Ардчилсан намын даргын Ажлын албаны даргаар намын даргын зөвлөхөөр ажиллаж буй Э.Галбадралыг томилсон байна.

Э.Галбадрал өмнө нь Багахангай дүүргийн АН-ын дарга, “Мон-Атом” ТӨХК-ийн гүйцэтгэх захирал, “Эрдэнэт” үйлдвэрийн дэд захирал, Монгол Улсаас АНУ-ын Сан Франциско хотод суух Ерөнхий консул зэрэг төрийн хариуцлагатай алба хашиж байсан ажлын туршлагатай нэгэн юм.

Мөн Дотоод хэргийн их сургуулийн Хууль сахиулахын ухааны докторант бөгөөд 2021 оноос Монгол Улсын Ерөнхийлөгчийн орон тооны бус зөвлөхөөр ажиллаж байгаа аж.

Ажилласан байдал:

• Багахангай Дүүргийн Ардчилсан намын дарга 2012-2016 онд
• "Мон-Атом" ТӨК-ийн гүйцэтгэх захирал 2014-2016 онд
• Эрдэнэт үйлдвэр ХК орлогч захирал 2016-2016 онд
• Монгол улсаас АНУ -ын Сан Франциско хотод суух Ерөнхий консул 2017-2020 онуудад
• Монгол Улсын Ерөнхийлөгчийн орон тооны бус зөвлөх 2021 оноос одоог хүртэл
• Олон улсын Таеквон-догийн Монголын холбооны ерөнхийлөгч 2022 оноос одоог хүртэл