Хөвсгөл аймгийн Ханх сумын Хороо багийн “Оёг” гэдэг газар энэ сарын 24-ний өдрийн 00:18 цагт 3.5 магнитудын хүчтэй газар хөдлөлт болсон тухай мэдээлэл мөн өдрийн 00:26 цагт ООГХ-ээс цахим шуудангаар ОБГ-т ирсэн байна.

Тус аймгийн Онцгой байдлын газраар дамжуулан Ханх сумын Засаг дарга, Засаг даргын Тамгийн газрын дарга, Байгаль хамгаалагч нараас тодруулахад иргэдэд газар хөдлөлтийн чичирхийлэл хүчтэй мэдрэгдсэн, учирсан хохиролгүй тухай мэдээлжээ.