АТГ-аас өнөөдөр мэдээлэл хийлээ. Энэ үеэр АТГ-ын Хэвлэл мэдээлэл, олон нийттэй харилцах ажилтан, комиссар Н.Тэмүүлэн "Сайд асан Ж.Сүхбаатарт эрүүгийн хэрэг үүсгэж, яллагдагчаар татах саналаа Нийслэлийн прокурорын газарт хүргүүлсэн.

Автобусны хэрэгт 26 хүнийг яллагдагчаар татсан. Тодруулбал, нийтийн албан тушаалтан 18, гадаад улсын иргэн 4, хуулийн этгээдийн албан тушаалтан 4 байна. Харин Хотын дарга асан Д.Сумъяабазарыг яллагдагчаар татаагүй, мөрдөн шалгах ажиллагаа үргэлжилж байна" гэлээ.

Мөн "2013 онд 43 хэргийг шүүхэд шилжүүлж байсан бол 2023 онд 270 хэргийг илрүүлж шүүхэд шилжүүлсэн. Үүнийг харахад гэмт хэргийн тоо 6,3 дахин өссөн үзүүлэлт юм" гэв.