УИХ-ын чуулганы Баасан гарагийн нэгдсэн хуралдаан үргэлжилж байна. Хуралдаанаар Засгийн газраас яаралтай горимоор өргөн барьсан Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийн төсөл болон хамт өргөн мэдүүлсэн хууль, тогтоолын төслүүдийг хэлэлцэх эсэх асуудлыг хэлэлцлээ. Энэ үеэр УИХ-ын гишүүн Ш.Адьшаа "Х.Нямбаатарт хүн ёсны хувьд хүндэтгэлтэй хандах ёстой гэж бодож байна. Гаргасан шийдвэл, төсөл хөтөлбөрүүдэд нь сайн үр дүн гарвал Х.Нямбаатар жинхэнэ эр хүн болно. Муу үр дүн гарвал худалч баатар болно шүү" гэв.