УИХ дахь МАН-ын бүлэг өнөөдөр хуралдлаа. Өнөөдрийн бүлгийн хуралдаанаар хүүхдийн эсрэг үйлдэгдэж буй гэмт хэргийн ялын бодлого болон ирэх оны төсвийн талаар танилцуулгыг сонссон юм. Хуралдааны дараагаар ирэх оны төсөвтэй холбогдуулан Сангийн сайд Б.Жавхлан мэдээлэл өгсөн юм.

Энэ үеэрээ тэрбээр хүүхэд хамгааллын чиглэлд тавигдах төсвийн талаар тодруулсан сэтгүүлчийн асуултад "Хүүхэд хамгааллын тухайд шаардлагатай бүхий л хөрөнгө оруулалтыг шийдээд явна. Хүүхэд хамгааллын ажилд зөвхөн сангийн хувьд 8 тэрбум, ирэх жил 14 тэрбум болгож нэмнэ" гэх хариултыг өгөв.