Дорноговь аймагт 12 настай охин бусдын гарт амиа алдсан харамсалтай хэрэг гарсан. Охиныг хөнөөсөн этгээд бага насны хүүхэд хүчирхийлсэн хэргээр 12 жилийн хорих ял эдлээд суллагдсан. Үүнийхээ дараа хулгай, дээрмийн хэргээр ял шийтгүүлсэн ч магадлангаар суллагдсан байжээ.
Тиймээс олон нийтийн зүгээс бага насны хүүхэд хүчиндсэн, хөнөөсөн этгээдийг хугацаанаас нь өмнө суллахгүй байхыг шаардаж байгаа юм.
Харин уг асуудалд ХЗДХ-ийн сайд Б.Энхбаяр "Бага насны хүүхдийг алах, хүчиндэх, бэлгийн мөлжлөгийн гэмт хэрэг үйлдсэн ялтныг хорих ялын хугацаанаас нь өмнө СУЛЛАХГҮЙ" гэлээ.
