Дорноговь аймагт 12 настай охин сураггүй алга болоод хоёр хонож байна. Харин өнгөрсөн шөнө Нийтийн хэв журам хамгаалах, олон нийтийн аюулгүй байдлыг хангах албаны цахим хуудсанд охиныг олсон гэх мэдээлэл тавигдаад удалгүй устгагдсан юм. Энэ талаар ЦЕГ-ын ХМТ-өөс тодруулахад "Тус пэйжийн "Админ" эрхтэй алба хаагч “У” нь тус албаны цахим хуудаст ташаа мэдээлэл оруулсанд цахим хэрэглэгч Та бүхнээс хүлцэл өчье.
Цагдаагийн байгууллагаас сураггүй алга болсон хүүхдийг эрэн хайх ажиллагааг бүхий л түвшинд төрийн болон төрийн бус байгууллагын дэмжлэгтэй үргэлжлүүлж байгаа юм.
Цагдаагийн байгууллагын эрэн сурвалжлах ажиллагаанд дэмжлэг үзүүлж, хамтран ажиллахыг хүсэж байна" гэлээ.
