-ХӨСҮТ-ийн захирал Д.Нямхүү-

Эрүүл мэндийн яамнаас коронавирусний халдварын нөхцөл байдал,  тархалтын талаарх ээлжит мэдээллээ хийлээ. 

ХӨСҮТ-ийн захирал Д.Нямхүү:

Өчигдөр ХӨСҮТ-ийн 2, Дархан-Уул аймгийн нэг лабораторид нийт 709  хүнд коронавирусний шинжилгээ хийснээс 1 хүнд коронавирус илэрлээ.  
Сэлэнгэ аймгийн Алтанбулаг боомтоор орж ирсэн 39 настай Казахстан Улсын  ачаа тээврийн нэг жолоочийн шинжилгээнд коронавирус илэрлээ. Тус иргэнийг Сэлэнгэ аймгаас  ХӨСҮТ-д татан авчирч байна.

Бусад шинжилгээний хариуг задалбал: 

• Сөүл-Улаанбаатар чиглэлийн тусгай үүргийн онгоцоор ирсэн 455 хүний давтан шинжилгээ,
• Афганистанаас ирсэн 38 цэргийн давтан шинжилгээ,
• Тандалтын 12 хүний шинжилгээ
• Ажиглах байранд тусгаарлагдсан 12 хүний давтан шинжилгээ
• Орхон аймагт тусгаарлагдсан 106 хүний давтан шинжилгээ
• Алтанбулаг боомтоор орж ирсэн ачаа тээврийн 20 жолоочийн шинжилгээ
• Дархан-Уул аймагт тусгаарлагдсан 65 хүний давтан шинжилгээг тус тус хийхэд коронавирус илрээгүй. 
• Өнөөдөр гурван хүн эдгэрч дараагийн шатны тусгаарлалт руу шилжиж байна. 20,21,24 настай 2 эрэгтэй, нэг эмэгтэй нар  17-48 хоног эмчлүүлж эдгэрлээ. 

Ингээд МУ-д батлагдсан тохиолдол 288 боллоо. Үүнээс 217 иргэн эдгэрсэн байна. Одоо эмчилгээнд 71 хүн байна. Биеийн байдлын хувьд хөнгөн 62, хүндэвтэр 9 хүн байна.
ХӨСҮТ-д одоо 101  хүн эмчилгээ, тандалт дор  байна.