2020 оны 07-р сарын 07-21-ний өдрийг хүртлэх хугацаанд ЗӨСҮТ, Зэрлэг Амьтан Судлан Хамгаалах төвүүд хамтран шувууны томуугийн тандалт судалгааг гүйцэтгэв.

Уг тандалтыг Булган, Хөвсгөл аймгийн 7 сумын 9 нууруудад хийсэн байна. Тус тандалтаар нийт 37 зүйлийн шувуу бүртгэсэн ба үхсэн болон өвчний сэжигтэй шувууд бүртгэгдээгүй байна.

Хөвсгөл аймгийн Цагааннуур сумын Тарган нуур болон түүнийг тойрсон жижиг нууруудаас 30 буурал галуу, 10 гангар хун, 10 мөнгөлөг цахлай, 10 ногоохон нугасыг барьж, шувуу бүрт хэмжилт хийж, дамжуулагч зүүх,  мөгөөрсөн хоолой болон хам сүвээс арчдас авах, гадаад шимэгчийг цуглуулах зэрэг ажлыг хийж, гүйцэтгэжээ. Лабораторийн шинжилгээнд дээж цуглуулсан ба шинжилгээ үргэлжилж байна.

Хээрийн шинжилгээний материал цуглуулах явцад хамгаалах хувцас, хэрэгслийг бүрэн өмсөж, шувуудаас халдвар авах, өгөхөөс сэргийлж ажиллав.