ЭМЯ, ХӨСҮТ-ээс коронавируст халдварын тархалтын талаар ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү шинжилгээний хариуг танилцууллаа.

Тэрбээр "Долдугаар сарын 22-ны өдөр дөрвөн лабораторид нийт 426 хүний сорьцод шинжилгээ хийхэд бүгдэд нь илрээгүй. Үүнийг задалж хэлбэл,

• ХӨСҮТ-д тусгаарлагдсан 8 хүний давтан,
• Долдугаар сарын 21-нд Токио-Улаанбаатар чиглэлийн тусгай үүргийн нислэгээр ирж, ажиглах байранд тусгаарлагдсан 260 хүн,
• Долдугаар сарын 21-нд Австралиас ирж тусгаарлагдсан 48 хүн, 
• Идэвхтэй тандалтын зорилгоор цуглуулсан 14 хүн, 
• Ажиглах байранд тусгаарлагдсан 60 хүний давтан, 
• Алтанбулаг боомтоор орж ирсэн 34 жолооч,
• Дархан-Уул аймагт тусгаарлагдсан 2 хүний давтан шинжилгээнд халдвар илрээгүй.

Өнөөдөр нэг иргэн эдгэрч, дараагийн шатны тусгаарлалтад шилжиж байна. 34 настай эмэгтэй 15 хоног эмчлэгдээд ХӨСҮТ-ээс гарч байна. 

Монгол Улсад коронавирусний батлагдсан тохиолдлын тоо 287 байна. Үүнээс 214 хүн эмнэлгээс эдгэрч гарсан, 73 хүн ХӨСҮТ-д эмчлэгдэж байна. Биеийн байдлыг үнэлбэл, 63 нь хөнгөн, 10 нь хүндэвтэр байна.

Бид дараагийн тусгай үүргийн нислэгүүдийг хүлээн авах бэлтгэлийг хангаж байна” гэв