Ардчилсан намын дэргэдэх Ардчилсан эмэгтэйчүүдийн холбооны дээд чуулган болж байна. Өнөөдрийн чуулганаар тэд Ерөнхийлөгчөө сонгох юм. Ерөнхийлөгчийн сонгуульд УИХ-ын гишүүн А.Адьяасүрэн, М-Ойл группийн Ерөнхийлөгч Б.Пунсалмаа, АН-ын ҮБХ-ны гишүүн Г.Жаргалан нарын нийт есөн хүн нэр дэвшихээр бүртгүүлээд байсан боловч НИТХ-ын төлөөлөгч Д.Энхтуяа болон АН-ын гишүүн Г.Хажидмаа нар нэрээ татсан. Ингэснээр АЭХ-ны Ерөнхийлөгчид нэр дэвшиж буй долоон хүн өчигдөр батламжаа гардан авсан байдаг.

Тэгвэл нэр дэвшигч Д.Эрдэнэсувд "Намд элсээд хоёрхон сар болж байгаа хүнийг нэр дэвших боломжийг бид бий болгосон. Энэ бол нийгмийн шаардлага гэж харж байгаа. Холбоонд удаан байснаараа туршлага хуримтлуулсан гэж үзэхгүй" гэлээ.