Дээд шүүхийн шүүгчид 12.5 сая төгрөгөөр илтгэх урлагийн хичээл заалгажээ. Тодруулбал, Дээд шүүхийн шүүгчид 2022 оны есдүгээр сарын 12-ны өдөр "Болор бумбан гэрэл" ХХК-ийн "Яруу" ярих урлагийн төвтэй цахим сургалтын гэрээ үзэглэж, 12.5 сая төгрөгөөр илтгэх урлагийн хичээл заалгасан байна.
Тус гэрээг "Болор бумбан гэрэл" ХХК-ийн гүйцэтгэх захирал Я.Болорчимэг, Монгол Улсын дээд шүүхийн тамгын газрын дарга н.Заяадэлгэр нар үзэглэж, "Ярих урлаг, илтгэх ур чадвар, олон нийтийн харилцаа сургалт"-ыг цахим хэлбэрээр зохион байгуулж Монгол Улсын дээд шүүхийн төрийн албан хаагчдыг хамруулахаар хэлэлцэн тохирсон баримтыг хүргэж байна.
