Өнөөдөр болох үйл явдлын мэдээллийг хүргэж байна.

Төрийн ордонд

09:00 цагт Засгийн газрын ээлжит хуралдаан болж байна.

Хүмүүнлэгийн ухааны их сургуулийн шинэ байранд

09:00 цагт Pearson English англи хэлний хөтөлбөр энэ жилээс улсын бүх ЕБС-ийн V-VI дугаар ангид хэрэгжинэ. Энэ хүрээнд ЕБС-иудын англи хэлний багш нарын сургалтыг наймдугаар сарын 23-27-ныг хүртэл зохион байгуулна.

Хангарди ордонд

11:30 цаг "Улаанбаатар хотын хөгжлийн корпорац" ХК-ийн зүгээс төр, хувийн хэвшлийн түншлэлийн хүрээнд хэрэгжүүлэх "Смарт кар төсөл"-ийн сонгон шалгаруулалтад шалгарсан гүйцэтгэгч хувийн хэвшлийн компанитай гэрээнд гарын үсэг зурна.

Боловсрол суваг телевизээр

13:00 цагт НӨАТ-ын сугалааны тохирол явагдана.

"Новотел" зочид буудалд

14:00 цагт "Сүрьеэгүй Ази тивийг бий болгох арга замыг эрэлхийлэх нь" олон улсын эрдэм шинжилгээний зургаадугаар хурлыг зохион байгуулна. Хуралд БНСУ, Япон, ОХУ, Молдов, Малайз, Тайланд, Бруней, АНУ-ын Харвардын их сургуулийн эрдэмтэн судлаач, ЭМЯ-ны зочид төлөөлөгчид оролцох юм.

Сүхбаатарын талбайд

20:23 цагт “Улаанбаатар 2023” Зүүн Азийн залуучуудын наадмын хаалтын ажиллагаа болно.