Баян-Өлгий аймгийн Сагсай сумын Даян багийн “Даян нуур” гэдэг газар “Хар чулуутын” голд таван хүн загасчилж байгаад нэг хүн нь голын ус руу унаж живсэн байна.

Энэ тухай дуудлагыг ОБГ наймдугаар сарын 22-ны өдрийн 15:40 цагт хүлээн авсан бөгөөд тус аймгийн Онцгой байдлын газрын алба хаагчид иргэн Т /21 настай, эрэгтэй/-ыг эрэн хайх ажиллагааг зохион байгуулж 20:25 цагт 8 метрийн гүнээс цогцсыг гаргаж Цагдаагийн байгууллагад шилжүүлэн өгчээ.