Өмнөговь аймгийн Гурвантэс сумын Бага-Овоо багийн “Шивээ хүрэн" хилийн боомтод “Норд бенз" загварын том оврын ачааны хоёр автомашин мөргөлдөж, автомашины эд ангид 1 хүн хавчуулагдаж нас баржээ.
Энэ тухай дуудлага мэдээлэл ОБГ-т ирсэн бөгөөд дуудлагын дагуу тус аймгийн Онцгой байдлын газрын Гурвантэс сум дахь Гал түймэр унтраах, аврах 67 дугаар ангийн алба хаагчид 50 км замыг туулан 00:08 цагт очиход “Норд-Бенз” загварын том оврын ачааны автомашины жолооч Улаанбаатар хотын Чингэлтэй дүүргийн 11 дүгээр хороонд оршин суух хаягтай иргэн Ч /64 настай, эрэгтэй/ автомашины эд ангид хавчуулагдаж нас барсан байсныг 15 минут ажиллаж цогцсыг гарган аймгийн Шүүхийн шинжилгээний мөрдөгчид шилжүүлэн өгсөн байна.
