Баянзүрх дүүргийн наймдугаар хороонд 240 ортой шинэ цэцэрлэгийн барилга угсралтын ажил дуусаж, дотор засал, гадна тохижилт, ногоон байгууламж, цэцэрлэгжүүлэлтийн ажил хийгдэж байна.

Цэцэрлэг нь ашиглалтад орсноор хамрах тойргийн хүүхдүүд сургуулийн өмнөх боловсролд хамрагдах бүрэн боломжтой болж байна.

Цэцэрлэгийн барилга нь хоёр давхар бөгөөд хувцас солих өрөө, гал тогоо, урлаг заал, чийрэгжүүлэлтийн өрөө, ариун цэврийн өрөө, душ, агуулах, унтлагын өрөө, бүлгийн өрөөнүүд болон бусад өрөө тасалгаануудаас бүрдсэн зохион байгуулалттай юм.