Монгол Улс НҮБ-ын Хүнс хөдөө аж ахуйн байгууллагад гишүүн орноор элссэн 50 жилийн ойн баяр тохиож байна. Дэлхийн 194 орон НҮБ-ын ХХААБ-ын гишүүн бөгөөд тэд өлсгөлөнг устгах, амьдарлын суурь болсон эрүүл хүнсийг хүн бүрд хангах нөхцөл боломжийг бүрдүүлэх зорилго дор нэгддэг билээ.

Өнгөрсөн хагас зуун жилд НҮБ-ын ХХААБ Монгол улсын засгийн газартай хамтран монголчуудын аж амьдралд үр өгөөжөө өгсөн 200 гаруй төсөл хөтөлбөрүүдийг хэрэгжүүлжээ. Төслийн үйл ажиллагааны чиглэлүүд нь байгалийн нөөцийн тогтвортой менежмент, мал аж ахуй газар тариалан түүний бүтээмж чанарыг дээшлүүлэх, онцгой байдлын менежмент , даван туулах, шинжилгээ судалгаа, статистик, шинэ технологи инновац дамжуулалт бодлого, эрх зүйн орчин, хүнсний чанар , аюулгүй байдал, шим тэжээл юм.

50 жилийн ойг тохиолдуулан "Уур амьсгалынг өөрчлөлт, цөлжилт, газрын доройтол" хүнсний тогтолцооны тогтвортой байдалд үзүүлэх үр дагавар үзүүлэх хэлэлцүүлгийг Байгаль орчин, аялал жуулчлалын яам, Хүнс хөдөө аж ахуй, хөнгөн үйлдвэрлэлийн яам , Гадаад харилцааны яамтай хамтран наймдугаар сарын 24-ний өдөр Дундговь аймагт зохион байгуулах аж.