Голын гольдрол өөрчилж барьсан барилгуудыг яаралтай нураахыг барилгын байгууламжийн инженерүүд зөвлөөд буй. Тодруулбал, голын 50 метрийн бүсэд барилга байгууламж барьж болохгүй. Тиймээс Сэлбэ голын гольдрол хааж барьсан S.Outlet барилгад хариуцлага тооцож, буулгана гэдгийг ч Хотын дарга мэдэгдсэн юм.
Тэгвэл тус барилгыг нураах хууль эрх зүйн баг ажиллаж эхэлсэн байна. Гэхдээ нураах ажиллагааг явуулахад хугацаа шаардагдана. Тодруулбал, захиргааны хуулийн дагуу сонсох ажиллагаа явуулахад зэрэгт хугацаа шаардагдах аж.
