Энэ мэдээ хуучирсан буюу 2023/07/25-нд нийтлэгдсэн мэдээ болно.

83 байршилд 1445 гараашийг буулгажээ

Ангилал
Нийгэм
Огноо
Унших
1 минут 30 секунд

Нийслэлийн иргэдийн эрүүл, аюулгүй орчинд амьдрах эрхийг хангах, газар ашиглалтыг сайжруулах, явган хүний зам, ногоон байгууламж, нийтийн эзэмшлийн зам, талбайг нэмэгдүүлэх зорилгоор 2021 оноос зөвшөөрөлгүй буюу зөрчилтэй хашаа, хайс чөлөөлөх ажил эхэлсэн. Ийнхүү тухайн жилдээ буюу 2021 онд 183 байршлын 713 зөрчлийг арилгасан юм.

Харин 2023 онд зургаан дүүргийн нутаг дэвсгэрт 111 байршлын 8771 метр хашааг буулгахаар төлөвлөсөн. Тодруулбал, Сонгинохайрхан дүүргийн Таван шарын автобусны буудлаас Баянзүрх дүүргийн Офицерийн тойрог хүртэл, мөн Сүхбаатар дүүргийн Дөлгөөн нуур худалдааны төвийн уулзвараас Хан-Уул дүүргийн Яармагийн гүүр хүртэлх нутаг дэвсгэрийн байршлууд үүнд хамаарч буй.

Энэ хүрээнд долоодугаар сарын 24-ний байдлаар 88 байршилд 6917 метр хашаа, хайс буулгасан бөгөөд ажлын явц 94.6 хувьтай байна. Түүнчлэн 46 байршил дахь хашаа, хайс хашлагыг стандартад нийцүүлэхээр ажиллаж байгаа юм.

Газрын зөрчил арилгах арга хэмжээний хүрээнд 2023 онд зургаан дүүргийн 132 байршлын 2355 гарааш чөлөөлөх ажлыг төлөвлөсөн. Үүнээс 83 байршилд 1445 гарааш буюу 34,372 ам метр газар чөлөөлж, ажлын явц 61.3 хувьтай үргэлжилж байна.

Барилга байгууламжийн инженерүүд “Авлига“ гэх хороолол, S outlet-г яаралтай буулгах ажлыг зохион байгуулахыг ЗӨВЛӨЖЭЭ
Барилга байгууламжийн инженерүүд “Авлига“ гэх хороолол, S outlet-г яаралтай буулгах ажлыг зохион байгуулахыг ЗӨВЛӨЖЭЭ
 
С.Эрдэнэ: Намын анхан шатнаас нэр дэвшээч гэж хүсэлт ирсэн. Би хүлээж авахад бэлэн
С.Эрдэнэ: Намын анхан шатнаас нэр дэвшээч гэж хүсэлт ирсэн. Би хүлээж авахад бэлэн
Энэ мэдээ хуучирсан буюу 2023/07/25-нд нийтлэгдсэн мэдээ болно.