Засгийн газрын хуралдаанаас гаргасан шийдвэрийг танилцуулж байна. Энэ үеэр Эдийн засаг, хөгжлийн сайд Ч.Хүрэлбаатар "Монголд хөрөнгө оруулахын тулд заавал дансанд 100 мянган ам.доллар оруул гэдэг босго тавьсан байдаг. Хөгжил багатай 24 орон ийм зохицуулалттай байна. Ийм заалтуудыг хуулиас авна. Мөн төрийн хяналт шалгалтууд байдаг. Төрийн хяналт шалгалтын давхардлыг арилгаж, жилдээ хамгийн ихдээ 2 байж болно гэж зааж байгаа. Хураамжууд дотоод, гадаадын ААН-д жигд байна. Энэ хуулийн өөрчлөлтийг наадмаас өмнө Монгол Улсад болох эдийн засгийн форумын үеэр нэлээн сайн танилцуулахаар зорьж байгаа" гэлээ.