Энэ мэдээ хуучирсан буюу 2023/06/07-нд нийтлэгдсэн мэдээ болно.

“Тавантолгой төмөр зам“ ХХК, “Тавантолгой“ ХК-д Гүйцэтгэх захирал томилох сонгон шалгаруулалт явуулна

Ангилал
Улс төр Эдийн засаг
Огноо
Унших
1 минут 13 секунд

Засгийн газрын ээлжит хуралдаанаар нийт 46 асуудал хэлэлцсэн. Ингэхдээ “Тавантолгой” ХК, “Тавантолгой Төмөр зам“ ХХК-д тавьсан онцгой дэглэмийг дуусгавар болгосон юм.

Тодруулбал, Өмнөговь аймгийн Цогтцэций сумын нутаг дэвсгэрт байрлах орон нутгийн өмчийн оролцоотой “Тавантолгой” ХК-ийн үйл ажиллагааг өнгөрсөн оны арванхоёрдугаар сарын 09-ний өдөр Засгийн газрын шууд хяналтад авч, зургаан сарын хугацаагаар онцгой дэглэм тогтоосон. Улмаар БЭТ-өөр ХЗДХЯ-ны ТНБД П.Сайнзоригийг томилсон байсан бөгөөд өнөөдрөөр хугацаа нь дуусгавар болж, онцгой дэглэмийг цуцалсан байна.

Мөн "Тавантолгой Төмөр зам" ХХК-д өнгөрсөн оны арванхоёрдугаар сарын 12-ны өдөр онцгой дэглэм тогтоож, БЭТ-өөр ЗГХЭГ-ын Хууль эрх зүйн газрын дарга Н.Мягмарыг томилсон байсан бол ийнхүү өнөөдрөөр дуусгавар болж байна.

Тэгвэл "Тавантолгой төмөр зам" ХХК, "Тавантолгой" ХК-д Гүйцэтгэх захирал томилох сонгон шалгаруулалт явуулах ажлыг ЗГХЭГ-ын дарга Д.Амарбаясгалан, ТӨБЗГ-ын дарга Б.Цэнгэл нарт даалгажээ.

ИЦББХ: Төрийн үйлчилгээг цахимаар үзүүлэх 120 хуулийн өөрчлөлтийг хэлэлцүүлэхийг дэмжлээ
ИЦББХ: Төрийн үйлчилгээг цахимаар үзүүлэх 120 хуулийн өөрчлөлтийг хэлэлцүүлэхийг дэмжлээ
 
Улсын гарди Ц.Бямба-Отгон түрүүллээ
Улсын гарди Ц.Бямба-Отгон түрүүллээ
Энэ мэдээ хуучирсан буюу 2023/06/07-нд нийтлэгдсэн мэдээ болно.