Засгийн газраас зарласан Шилэн ажиллагааны хүрээнд төрийн оролцоотой тусгай сангуудын мэдээлэл ил болсоор буй. Тухайлбал, MCS Групп, Энержи ресурс ХХК болон Шунхлай Групп хамтарч байгуулсан Интермед эмнэлэг нь Эрүүл мэндийн даатгалын сангаас нийтдээ 5.8 тэрбум төгрөгийн санхүүжилт авч, иргэдэд үйлчилгээ үзүүлжээ. Ингэхдээ 2022 онд хамгийн өндөр дүнтэй буюу 3.7 тэрбум төгрөгийн санхүүжилт авсан байна.
