Засгийн газраас зарласан Шилэн ажиллагааны хүрээнд төрийн оролцоотой тусгай сангуудын мэдээлэл ил болсоор буй. Тухайлбал, Хөдөө аж ахуйг дэмжих сангаас УИХ-ын гишүүн асан А.Сүхбат болон түүний хүү болох Сүхбатын Хангайханы хувь эзэмшдэг байсан Алтан хүнс групп ХХК нь 2016 онд хөдөө аж ахуйг дэмжих сангаас 54 сая 690 мянган төгрөгийн зээл авч байжээ. Гэвч өнөөдрийг хүртэл зээлийн нийт дүнгээс нэг ч төгрөг эргэн төлөгдөөгүй хэвээр байгаа юм.